Tras la placca bacteriala resulta in’inflammaziun a l’ur da la schunschiva (gingivitis) che po sa derasar sin l’entira fixaziun dals dents (parodontitis). Tras la paradentosa resultan a l’ur da la schunschiva uschenumnadas tastgas da la schunschiva sco er ina schluccada dals dents che po manar fin ad ina perdita dals dents.

Il motiv principal per la parodontitis è la placca bacteriala che vegn era numnada sulettamain placca u biofilm. Ultra da quai influenzeschan facturs da ristga enconuschents sco fimar u in diabetes nuncontrollà il svilup d’ina parodontitis.

Las consequenzas da la parodontitis èn la perdita da la fixaziun dals dents e la schluccada dals dents fin a la perdita dals dents che pon era chaschunar problems tar il mastgar. Suffrientschas ulteriuras pertutgan la sanadad generala sco era pli savens in nausch flad u problems cun la cumparsa.

L’examinaziun en la pratica da dentist è la suletta pussaivladad da laschar giuditgar endretg il stadi da sanadad da la schunschiva. Ultra dal giudicament clinic cun ina sonda da schunschiva ston era radiografias vegnir consultadas per giuditgar las cundiziuns da l’ossa.

Il nettegiament da dents professiunal en la pratica da dentist è l’emprim pass decisiv da la terapia d’ina parodontitis. Medemamain impurtant è d’adattar l’igiena da la bucca a chasa optimala ed ils termins da tractament posteriurs regulars tar l’igienicra da dents.

In’igiena da la bucca a chasa optimala, controllas regularas cun in nettegiament da dents professiunal en la pratica da dentist sco er in nutriment saun ed eventualmain in stop da fimar èn la meglra prevenziun da la parodontitis.

Sa mussan tar Vus eventualmain segns d’ina parodontitis? Faschai qua l’autotest.

Dumondas frequentas davart la parodontitis e nossas respostas.