Sa mussan tar Vus eventualmain segns d’ina parodontitis?

Faschai qua l’autotest.

Dumonda 1: è Vossa schunschiva per part u generalmainen cotschnida pli fitg?

Tar cotschnurs fermas localas po ina gingivitis esser sa furmada en quests lieus. Suenter ina meglieraziun da l’igiena da la bucca guarescha la gingivitis puspè. Duess la cotschnur tuttina cuntinuar suenter, As laschai examinar e cussegliar en ina pratica da dentist.

Tar cotschnurs generalmain fermas ch’èn cumparidas a curta vista malgrà ina buna igiena da la bucca, As annunziai tar Vossa pratica da dentist.

Resguardai che la tendenza ad ina gingivitis è augmentada tar ina gravidanza per motivs ormonals. Dunnas en speranza duessan far particularmain bain attenziun a lur igiena da la bucca a chasa ed era laschar examinar lur dents durant la gravidanza.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Sche Vus fimais regularmain cigarettas: resguardai che la tendenza ad ina sanganada da la schunschiva è reducida. Per quest motiv po ina gingivitis u ina parodontitis restar zuppada. As laschai perquai examinar schizunt pliras giadas ad onn en ina pratica da dentist.

Dumonda 2: sanganescha Vossa schunschiva durant lavar ils dents, tar in auter contact u durant mangiar nutriment dir?

La sanganada da las schunschivas è in segn d’ina inflammaziun avanzada. As Annunziai tar Vossa pratica da dentist. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Resguardai per plaschair ch’ina parodontitis na po betg guarir sulettamain tras la meglieraziun da l’igiena da la bucca a chasa.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Sche Vus fimais regularmain cigarettas: resguardai che la tendenza ad ina sanganada da la schunschiva è tar Vus reducida. Per quest motiv po ina gingivitis u ina parodontitis restar zuppada. As laschai perquai examinar schizunt pliras giadas ad onn en ina pratica da dentist.

Dumonda 3: è Vossa schunschiva sensibla?

Suenter ina blessura a l’ur da la schunschiva, che po resultar d’in ferm nettegiar cun il barschun da dents, vegn la schunschiva ad esser sensibla. Duess la sensibilitad durar plirs dis, As laschai examinar e cussegliar en ina pratica da dentist.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 4: è Vossa schunschiva levamain unflada?

In’unfladira leva è in segn d’ina inflammaziun avanzada. Infurmai Vossa pratica da dentist. Là vegn in’examinaziun minuziusa a mussar, sche Vus avais ina gingivits u ina parodontitis e sche Vus duvrais in tractament correspundent.

Resguardai che la tendenza ad ina gingivitis è augmentada tar ina gravidanza per motivs ormonals. Dunnas en speranza duessan far particularmain bain attenziun a lur igiena da la bucca a chasa ed era laschar examinar lur dents durant la gravidanza.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 5: avais Vus in’unfladira pregnanta en la regiun da la schunschiva ed avais Vus latiers mal u schizunt fevra?

In’unfladira pregnanta en la regiun da la schunschiva po esser in segn d’ina inflammaziun avanzada e d’in abscess.

Infurmai il pli spert pussaivel Vossa pratica da dentist, spezialmain sche Vus avais mal u schizunt fevra. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 6: avais Vus observà insacur ina flussiun da matergia tranter dent e schunschiva?

Ina flussiun da matergia en la regiun da la schunschiva po esser in segn d’ina inflammaziun avanzada e d’in abscess.

Infurmai il pli spert pussaivel Vossa pratica da dentist, spezialmain sche Vus avais mal u schizunt fevra. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 7: avais Vus problems cun nausch flad?

In nausch flad po avair plirs motivs. Per il solit èsi in segn d’ina parodontitis avanzada.

Infurmai il pli spert pussaivel Vossa pratica da dentist. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 8: è la schunschiva sa sminuida e pari che Voss dents èn vegnids pli lungs?

Betg mintga sminuziun da la schunschiva è resultada en consequenza d’ina parodontitis. Sche Vus avais ina sminuziun da la schunschiva, pon duas situaziuns vegnir tratgas en consideraziun:

    1. Vus pudessas d’ina vart suffrir da recessiuns da la schunschiva. Quellas fissan sa furmadas tras lavar ils dents memia ferm.
    2. La parodontitis è da l’autra vart ina malsogna d’inflammaziun ch’è sa sviluppada pervia da placcas bacterialas.

Infurmai Vossa pratica da dentist. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 9: è la posiziun da Voss dents sa midada ed èn sa furmadas latiers largias tranter ils dents?

Ina midada da la posiziun dals dents po esser in segn d’ina parodontitis avanzada.

Infurmai Vossa pratica da dentist. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „Na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Dumonda 10: ensais Vus che Vus murdais sin Voss dents sura e sut auter che pli baud?

Ina midada da la posiziun dals dents po esser in segn d’ina parodontitis avanzada.

Infurmai Vossa pratica da dentist. Là vegn in’examinaziun minuziusa a mussar, sche Vus avais ina parodontitis e sche Vus duvrais in tractament correspundent.

Sche Vus avais era respundì tut las autras dumondas cun „Na“, faschai vinavant bain attenziun a Vossa sanadad da la bucca ed As laschai examinar ina giada ad onn en ina pratica da dentist.

Ulteriuras infurmaziuns

Vus pudais duvrar nossas infurmaziuns e nossas illustraziuns per Vossas atgnas producziuns. Resguardai latiers nossas disposiziuns da la licenza da Creative Commons:

Attribution-NonCommercial-ShareAlike 4.0
https://creativecommons.org/licenses/by-nc-sa/4.0/deed.de

Ils cuntegns da questa website vegnan citads cun la suandanta indicaziun:
www.parodont.ch/rm / CC-BY-NC-SA