Consequenzas da la parodontitis

Las consequenzas da la parodontitis èn la perdita da la fixaziun dals dents e la schluccada dals dents fin a la perdita dals dents che pon era chaschunar problems tar il mastgar. Suffrientschas ulteriuras pertutgan la sanadad generala sco era pli savens in nausch flad u problems cun la cumparsa.

Ils emprims segns d’ina inflammaziun da la schunschiva èn ina cotschnur ed in’unfladira leva da l’ur da la schunschiva sco er ina sanganada pussaivla durant lavar ils dents.

Proxima …

Tras l’inflammaziun bacteriala da la parodontitis vegn la fixaziun dals dents sminuida. Las consequenzas sa mussan dal svilup da tastgas da la schunschiva fin a la perdita dals dents.

Proxima …

La parodontitis ha ultra da sias consequenzas directas en la chavorgia da la bucca era consequenzas sin malsognas generalas sco diabetes u malsognas cardiovascularas.

Proxima …

Dents ch’èn tras la parodontitis fermamain schluccads pon chaschunar problems durant il mastgar e suenter la tschavera pon vanzadiras da spaisas en ils spazis dals dents chaschunar mals mits.

Proxima …

Ina posiziun dals dents midada tras la parodontitis po chaschunar problems cun discurrer, chantar u sunar instruments a flad.

Proxima …

Cumbinaziuns da zulper volatilas da bacterias da la chavorgia da la bucca pon chaschunar in nausch flad. Pir in nettegiament dals dents professiunal po remediar qua.

Proxima …

Persunas cun parodontitis pateschan d’ina cumparsa transfurmada dals dents tras ina sminuziun da la schunschiva e spazis dals dents stgirs.

Proxima …

Sanganada da la schunschiva

Ils emprims segns d’ina inflammaziun da la schunschiva èn ina cotschnur ed in’unfladira leva da l’ur da la schunschiva sco er ina sanganada pussaivla durant lavar ils dents.

Zahnfleischbluten als Folge sowohl der Gingivitis als auch der Parodontitis

L’inflammaziun ch’è sa furmada a l’ur da la schunschiva tras la placca bacteriala lascha parair la schunschiva cotschna fin cotschna stgira, perquai che las avainas che sa chattan en il tessì colliant èn sa schlargiadas tras l’inflammaziun. La schunschiva po esser là unflada e po gia sanganar tar in contact lev e mecanic, sco per exempel durant lavar ils dents cun il barschun da dents u cun duvrar in fil dental.

Sch’ils dents vegnan dentant puspè nettegiads regularmain tar l’igiena da la bucca a chasa, van quests segns da l’inflammaziun entaifer paucs dis puspè enavos tar ina gingivitis avant maun ordavant.

Sche la sanganada da la schunschiva sa mussa vinavant malgrà ina buna igiena da la bucca, duess la schunschiva vegnir examinada en la pratica da dentist per in scleriment ulteriur.

Perdita da l’ossa, tastgas da la schunschiva e perdita dals dents

Tras l’inflammaziun bacteriala da la parodontitis vegn la fixaziun dals dents sminuida. Las consequenzas sa mussan dal svilup da tastgas da la schunschiva fin a la perdita dals dents.

Knochenverlust und Zahnverlust als Folge sowohl der Gingivitis als auch der Parodontitis

Sco consequenza da l’inflammaziun da la schunschiva (parodontitis), sa siminueschan las fibras d’enragischaziun e l’oss da la missella. Enstagl d’in apparat da fibras saun resulta per lung dal dent in’uschenumnada tastga da la schunschiva. La surfatscha da la ragisch ch’è situada là è cuvrida cun placcas bacterialas (placca e tartagl).

La sminuziun da la fixaziun dals dents po chaschunar ch’ils dents sa movan pli fitg. Ils dents, ch’èn normalmain fixads fermamain en l’oss, perdan stabilitad e vegnan lucs.

Sche la malsogna na vegn betg scuvrida e tractada, po la sminuziun cuntinuar uschè fitg ch’ins na po betg pli duvrar ils dents per mastgar e ch’els ston vegnir tratgs (extratgs).

Ulteriuras infurmaziuns (tudestg) …

Sanadad generala

La parodontitis ha ultra da sias consequenzas directas en la chavorgia da la bucca era consequenzas sin malsognas generalas sco diabetes u malsognas cardiovascularas.

Folgen der Parodontitis auf die Allgemeingesundheit

Persunas cun parodontitis han ina ristga da diabetes augmentada. Per fortuna ha la terapia da la schunschiva in effect positiv sin la terapia d’in diabetes. Per quest motiv èsi indispensabel ch’ils medis da chasa examineschian persunas cun parodontitis sin diabetes.

Ultra da quai han persunas cun parodontitis ina tendenza augmentada da malsognas cardiovascularas fin ad ina ristga augmentada per in infarct dal cor.

Dunnas en speranza, che suffreschan da parodontitis durant la gravidanza, han pli savens naschientschas prematuras ed ina ristga augmentada per naschientschas cun in pais da naschientscha bass sco era in’intoxicaziun da gravidanza (preeclampsia).

Problems durant il mastgar e suenter la tschavera

Dents ch’èn tras la parodontitis fermamain schluccads pon chaschunar problems durant il mastgar e suenter la tschavera pon vanzadiras da spaisas en ils spazis dals dents chaschunar mals mits.

Folgen der Parodontitis auf die Kaufähigkeit

Las consequenzas da la parodontitis van da la sminuziun da la fixaziun dals dents fin a la perdita dals dents. Dents fitg lucs na pon mecanicamain betg pli vegnir duvrads bain e pon per consequenza chaschunar problems durant il mastgar. Perquai che la parodontitis avanza savens mo plaun e betg adina tut ils dents èn pertutgads medem da quai, sa disan ils pertutgads londervi e midan lur disas da mastgar sin dents ch’els pon anc duvrar bain. Uschespert che la fixaziun dals dents è dentant en in nausch stadi e dents èn eventualmain gia vegnids perdids, prefereschan pertutgads savens spaisas pli lomas u midan il nutriment sin tschaveras da schuppa u schizunt buglias da vivonda.

Pervia ch’ils spazis dals dents vegnan libers tras la sminuziun da l’ur da la schunschiva, sa chattan suenter la tschavera adina vanzadiras da spaisas en ils spazis dals dents. Questa circumstanza po chaschunar per part mals mits e pertutgads emprovan adina da sa deliberar da quellas il pli spert pussaivel cun tgiradents.

Problems cun discurrer

Ina posiziun dals dents midada tras la parodontitis po chaschunar problems cun discurrer, chantar u sunar instruments a flad.

Folgen der Parodontitis auf die Aussprache und die Verständlichkeit

Ina schluccada dals dents chaschunada tras la parodontitis po impedir il discurrer. Acturs u pledaders da radio èn spezialmain dependents dal fatg che lur lingua è bain chapibla. Era per exempel chantadurs e musicants d’instruments a flad èn dependents dal fatg che lur posiziun dals dents resta nunmidada.

Uschespert ch’ils dents davant en la missella sur vesaivels da dador vegnan separads tras la parodontitis, pon pervia ils spazis resultar problems cun discurrer, chantar u sunar instruments a flad. Cunzunt pon siblants sco ils suns da S betg pli vegnir pronunziads en moda clera.

Nausch flad

Cumbinaziuns da zulper volatilas da bacterias da la chavorgia da la bucca pon chaschunar in nausch flad. Pir in nettegiament dals dents professiunal po remediar qua.

Mundgeruch als Folge der Parodontitis

Persunas cun parodontitis han avant il tractament da la schunschiva pli savens placcas bacterialas sco era tartagl tant sur sco sut l’ur da la schunschiva. Entant che questas placcas chaschunan in’inflammaziun da la schunschiva, pon las bacterias provocar supplementarmain in nausch flad caracterstic. Sorts da bacterias caractersticas per parodontitis vivan en il profund da las tastgas da la schunschiva e produceschan cumbinaziuns da zulper volatilas che savuran mal sco product da decumposiziun che vegnan sco flad or da la bucca.

Pir suenter la finiziun dal nettegiament dals dents professiunal e suenter l’execuziun d’ina igiena da la bucca a chasa optimala po il nausch flad svanir.

Problems cun la cumparsa (estetica)

Persunas cun parodontitis pateschan d’ina cumparsa transfurmada dals dents tras ina sminuziun da la schunschiva e spazis dals dents stgirs.

Schlechte Ästhetik als Folge der Parodontitis

Persunas cun parodontitis han pli gronds donns da la cumparsa (l’estetica). Per l’ina è la schunschiva tras l’inflammaziun preschenta cotschen stgira, per l’autra cumparan ils dents tras la sminuziun da la schunschiva pli lungs, pervia che ultra da la curuna dal dent ves’ins uss era la ragisch dal dent. La ragisch dal dent visibla libramain ha ina colur pli stgira che la curuna dal dent.

Tras la schluccada dals dents vegnan ils dents savens separads ed i sa furman spazis stgirs che pon vegnir pertschavids sco inestetics u era sco ina cumparsa malsauna. Tras la perdita dals dents pon tar ina parodontitis avanzada medemamain sa furmar largias en ils dents pauc bellas.

Ulteriuras infurmaziuns

Vus pudais duvrar nossas infurmaziuns e nossas illustraziuns per Vossas atgnas producziuns. Resguardai latiers nossas disposiziuns da la licenza da Creative Commons:

Attribution-NonCommercial-ShareAlike 4.0
https://creativecommons.org/licenses/by-nc-sa/4.0/deed.de

Ils cuntegns da questa website vegnan citads cun la suandanta indicaziun:
www.parodont.ch/rm / CC-BY-NC-SA